ශ්‍රී මලියදේව ධර්ම විද්‍යාලය 

​​සාරධර්ම ගුණධර්ම සපිරි දරු පරපුරක් බිහි කිරීම උදෙසා යන ගමනේදී වඩා ප්‍රායෝගික ක්‍රමවේදයක් අනුගමනය කිරීම මලියදේව ධර්ම විද්‍යාලය සතු එක් විශේෂත්වයකි. ගුණධර්ම පිළිබඳ න්‍යායත්මක දැනුමකින් පොහොසත් කීරීමට වඩා ක්‍රියාවන් තුලින් එකී ගුණාත්මක බවින් හෙබි දරුවකු සමාජයට දායාද කිරීම එහි අරමුණයි. සිසුදරුවන්ට මූලිකත්වය ගැනීමට ඉඩ සලස්වමින් සෑම ඉරුදිනකම උදෑසන සිදු කරන බුද්ධ පූජාමය පින්කම ප්‍රායෝගික වූ සිසු දරුවන් බිහි කරන තවත් එක් ක්‍රියාදාමයක් ලෙස සැලකිය හැක. මෙම වැඩසටහන සඳහා පංති මට්ටමින් දායකත්වය ලාබාදීම තුලින් පලමු ශ්‍රේණියේ සිට අවසාන ශ්‍රේණිය දක්වා සිසුනට බුද්ධ රතන්ය කෙරෙහි මනා පැහැදීමක් ඇති කරවීමත් වගකීම් නිසියාකාරව ඉටුකිරීමත් යන ගුණාංග ඇතුලුව තවත් යහපත් හුරු පුරුදු සංවරධනය කරදීමක් අපේක්ෂා කෙරේ. එමෙන්ම එසේ භාරගත් පූජාමය ද්‍රව‍ය අදාල සිසුන්ගෙන් ලබාගෙන ඒවා බුද්ධ පූජාවක් ලෙස පිළිගැන්විය හැකි ආකාරයට  මානව සකස් කරීම සිදු කරනුයේ බුද්ධ පූජා කමිටුව විසිනි. මේ වැඩපිළිවල තුලින් බුද්ධ පූජාවක් සකස් කිරීමේ සිට එය පූජා කිරීම දක්වා වූ සියලු කටයුතු ඉතා ගෞරව පෙරදැරිව සිදු කරන ආකාරය පිළිබඳව ප්‍රායෝගික හුරුවක් සිසු දරුවනට ලැබේ.